వైసీపీలో మ‌రో న‌టీమ‌ణి.. రంప‌చోడ‌వ‌రం నుంచే పోటీ..!     2018-06-19   23:36:16  IST  Bhanu C

రాష్ట్రంలో రాజ‌కీయాలు చాలా వేగంగా మారిపోతున్నాయి. ఎన్నిక‌ల ఏడాది ప్రారంభం కావ‌డంతో ఎక్క‌డిక‌క్క‌డ పార్టీలు గెలుపు గుర్రాల‌ను ఒడిసి ప‌డుతున్నాయి. గ‌త ఎన్నిక‌ల్లో తూర్పుగోదావ‌రి జిల్లా రంప‌చోడ‌వ‌రం నుంచి పోటీ చేసి గెలుపు గుర్రం ఎక్కిన వంత‌ల రాజేశ్వ‌రి.. మొద‌ట్లో వైసీపీ త‌ర‌ఫున సానుకూల ధోర‌ణిని ప్ర‌ద‌ర్శించినా.. త‌ర్వాత త‌ర్వాత మాత్రం టీడీపీ అధినేత చంద్ర‌బాబు విసిరిన ఆకర్ష్ వ‌ల‌లో చిక్కుకుని పార్టీ నుంచి జంప్ చేశారు. దీంతో ఇక్క‌డ వైసీపీకి బ‌ల‌మైన నేత లేర‌నే టాక్ వ‌స్తోంది. దీనిని గ‌మ‌నించిన వైసీపీ అధినేత జ‌గ‌న్‌.. వ‌చ్చే ఎన్నిక‌ల్లో ఇక్క‌డ నుంచి వంతల రాజేశ్వ‌రి పోటీ ప‌డినా.. ఆమెను సైతం ఓడించగ‌ల నాయ‌కురాలిని వెతికి ప‌ట్టుకున్నారనే ప్ర‌చారం జ‌రుగుతోంది.

రంప‌చోడ‌వ‌రం నియోజకవర్గంలో గొండోలు సర్పంచ్ రాఘవ, కుమార్తె ధన లక్ష్మిని వ‌చ్చే ఎన్నిక‌ల్లో వైసీపీ అభ్య‌ర్థిగా నిల‌బెట్టాల‌ని ఇక్క‌డ ఇంచార్జ్‌గా ఉన్న అనంతబాబు పెద్ద ఎత్తున పరిచయం చేస్తున్నారు. ధ‌నలక్ష్మి బీఎస్సీ బీఎడ్ వరకు చదుకున్నారు. ప్ర‌ముఖ విప్లవ చిత్రాల ద‌ర్శ‌కుడు ఆర్ నారాయణ మూర్తి గ‌తంలో తీసిన‌ అడవి బిడ్డలు సినిమాలో హీరోయిన్‌గా చేశారు. అదేవిధంగా నారాయణ మూర్తి తీసిన ప‌లు చిత్రాల్లోనూ ఆమె నటించారు.