2018 లో న్యూమరాలజీ ప్రకారం మీ అదృష్టం ఎలా ఉంటుందో తెలుసా? Devotional Bhakthi Songs Programs     2017-12-15   21:55:35  IST  Raghu V

Your Date of birth & Number as per numerology

కొత్త సంవత్సరం ప్రారంభం కాగానే సాధారణంగా అందరు కొత్త సంవత్సరం ఎలా ఉంటుందో అని ఆలోచనలో పడతారు. దాని గురించి తెలుసుకోవాలని అనుకుంటారు. 2018 వ సంవత్సరం యూనివర్సల్ సంవత్సరం. దీని సంఖ్య శక్తీ 11. ఈ 11 సంఖ్యను అంకెలకు గురువుగా భావిస్తారు. అంతేకాక ఆధ్యాత్మికంగా కూడా ఎంతో ప్రాధాన్యత ఉంది. సంఖ్య ప్రకారం మీ అదృష్టం ఎలా ఉందో తెలుసుకుందాం.

అదృష్ట సంఖ్య1
ఈ సంవత్సరం వీరి జీవితం బాగుంటుంది. గతంలో ఉన్న ఇబ్బందులు అన్ని తొలగిపోతాయి. వీరు గమ్యాన్ని చేరుకోవటానికి కొత్త మార్గాన్ని ఎంచుకుంటే మంచి ప్రయోజనం ఉంటుంది.

అదృష్ట సంఖ్య 2
ఈ సంఖ్య వారికీ కెరీర్ చాలా అనుకూలంగా ఉండి వారు కోరుకున్న ఉద్యోగం లభిస్తుంది. అయితే వ్యక్తిగత విషయాలపై కొంచెం జాగ్రత్త వహించాలి. ఏ మాత్రం చిన్న తప్పు చేసిన సమస్యలను ఎదుర్కోవాల్సి ఉంటుంది.

అదృష్ట సంఖ్య 3
ఈ సంవత్సరంలో వీరికి విదేశీ ప్రయాణాలు ఉంటాయి. వీరి జీవితంలో కొత్త అనుభవాలు,ఎనర్జీ స్థాయిలు ఎక్కువగా ఉంటాయి. వీరు ఏ పని చేసిన వెనక్కి తిరిగి చూసుకొనే అవకాశం ఉండదు. కొన్ని మార్పుల కారణంగా ప్రయాణాలు ఎక్కువగా ఉంటాయి.


అదృష్ట సంఖ్య 4
వీరు కొన్ని విషయాల్లో రాజీ పడాలి. ఈ సంవత్సరం వీరికి మంచి జరగకపోయినా చెడు మాత్రం జరగదు. వీరు సొంతంగా సంస్థను స్థాపిస్తారు. ఈ క్రమంలో కొన్ని ఆటంకాలు ఎదురు అయినా అనుకున్న లక్ష్యాన్ని సాధిస్తారు.

అదృష్ట సంఖ్య 5
ఈ సంవత్సరం గెలుపు ఓటములు సమానంగా ఉండి మొత్తం మీద తటస్థంగా ఉంటుంది. వీరు వచ్చిన అవకాశాలను అంది పుచ్చుకొని ముందుకు సాగుతారు. అయితే వీరు కొంచెం తెలివిగా ఆలోచించ వలసిన అవసరం ఉంది.

అదృష్ట సంఖ్య 6
వీరు ఆధ్యాత్మికంగా ఆలోచిస్తూ ఉంటారు. ప్రేమ, వివాహం, వృత్తి, ఆరోగ్య పరంగా బలంగా ఉంటారు. రిస్క్ తీసుకోవటానికి ప్రయత్నం చేస్తారు. అయితే దేనిని పట్టించుకోకుండా సహనంతో పనిచేయాలి.

అదృష్ట సంఖ్య 7
వీరికి సంబంధం,ప్రేమ వ్యవహారాలలో కొన్ని క్లిష్టమైన సమస్యలు ఎదురు అవుతాయి. ఆ సమయంలో కృంగిపోకుండా దైర్యంగా ముందడుగు వేయాలి. ఆధ్యాత్మిక కార్యక్రమాలతో మానసిక ఆందోళనలను తగ్గించుకుంటారు.

అదృష్ట సంఖ్య 8
వీరు చేసే పనిలో ఎక్కువగా భావోద్వేగాలు ఉంటాయి. వీరు నిర్ణయాలను తీసుకోవటంలో ఎక్కువ సమయాన్ని తీసుకుంటారు. అనేక అవకాశాలు వచ్చిన ఎంపిక విషయంలో మాత్రం ఆచి తూచి అడుగు వేయాలి.

అదృష్ట సంఖ్య 9
వీరిలో ఆధ్యాత్మిక శక్తి ఎక్కువగా ఉంటుంది. వీరు పైకి ఎదగాలంటే గట్టి ప్రయత్నాలను పట్టు విడవకుండా చేయాలి. ఉద్యోగంలో మార్పులు ఉంటే వాయిదా వేసుకోవటం ముఖ్యం. ఆరోగ్య పరంగా కొంచెం జాగ్రత్తలు తప్పనిసరిగా తీసుకోవాలి.