జబర్దస్త్ శాంతి స్వరూప్ గురించి ఈ షాకింగ్ నిజాలు తెలుసా.? లేడీ గెటప్ ఛాన్స్ ఎలా వచ్చిందంటే.?    2018-06-30   00:57:57  IST 

వినోదం కి మనం అత్యంత ప్రాముఖ్యత ఇస్తాము అనడంలో అతిశయోక్తి ఏం లేదు అనుకుంట. గురు, శుక్రవారాలు వస్తే చాలు రాత్రి ఎప్పుడు అవుతుందా అని ఎదురు చూస్తూ ఉంటాము. అంతలా వీక్షిస్తాము మనం “జబర్దస్త్” ప్రోగ్రాం ను. అయితే జబర్దస్త్ స్టేజ్ పై లేడీ గెటప్స్ తో అలరించే నటుల్లో శాంతిస్వరూప్ ఒకరు. సన్నగా కనిపిస్తూ స్టేజ్ పై నవ్వుల సందడి చేసే శాంతిస్వరూప్ ఎన్ని కష్టాలు ఎదురుకున్నారో తెలుసా.? జబర్దస్త్ కి రాకముందు రూమ్ రెంట్ కూడా కట్టుకోలేని స్థితిలో ఉండేవారు అంట.

‘‘2001 లో నేను హైదరాబాద్ వచ్చాను. నా క్షేమ సమాచారాన్ని ఇంటికి ఉత్తరాల ద్వారా తెలియపరిచేవాడిని. ఇక్కడ నేను ఎంతగా కష్టాలు పడుతున్నా .. ఆ విషయాలను ఎవరితోను చెప్పుకునేవాడిని కాను. వాళ్ల ఆర్ధిక పరిస్థితి బాగాలేకపోయినా, నా నుంచి ఏమీ ఆశించేవాళ్లు కాదు. మా నాన్నకి అనారోగ్యం .. మంచి మందులు వాడే పరిస్థితి లేదు. అన్నయ్యలు ఉన్నప్పటికీ వాళ్ల ఆర్ధిక పరిస్థితి కూడా అంతంత మాత్రమే”“మా నాన్న చనిపోయిన తరువాత నేను ఇంటికి వెళ్లాను. నేను బాగా సంపాదించేశానని ఊళ్లో వాళ్లంతా అనుకున్నారు. అన్నదమ్ములంతా కలిసి తలా రెండు వేలు వేసుకుని కార్యక్రమాన్ని జరిపించాలన్నారు. అప్పుడు నా దగ్గర 500 కూడా లేవు.. నాన్నను బతికించుకోలేకపోయాను .. చనిపోయిన తరువాత కూడా ఏమీ చేయలేకపోతున్నానే అనిపించింది. హైదరాబాద్ లో తెలిసినతనికి ఫోన్ చేసి .. మా ఊళ్లో తెలిసిన వారి ఎకౌంట్ నెంబర్ చెప్పి, 2000 వేయమని కోరాను. ఆయన చేసిన సాయంతో మాట దక్కింది” అంటూ కన్నీళ్లు పెట్టుకున్నాడు.