'కమలం'తో 'కారు' ప్రయాణం ..? ఇదే జరగబోతోందా ..?     2018-06-16   04:19:46  IST  Bhanu C

రాజకీయాల్లో శాశ్వత మిత్రులు శాశ్వత శత్రువులు ఉండరు అనేది ముమ్మాటికీ నిజం. నిన్నటి వారకు తిట్టుకున్నా.. ఈ రోజు చేయి చేయి కలిపి దోస్త్ మేరా దోస్త్ అంటూ పాటలు పాడుకుంటూ కలిసి ప్రయాణం చేస్తుంటారు. తాజాగా ఇప్పుడు జరగబోతున్నది కూడా అదే. కేంద్ర అధికార పార్టీ బీజేపీతో టీఆర్ఎస్ పార్టీ పొత్తు పెట్టుకునే సూచనలు కనిపిస్తున్నాయి. దీనికి హస్తిన వేదిక కాబోతోంది. ఈ డీల్ కుదిరితే కేసీఆర్ కుమార్తె కవిత కేంద్ర మంత్రి అయ్యే అవకాశాలు కూడా ఉన్నట్టు తెలుస్తోంది.

కొంతకాలం క్రితం వరకు బీజేపీపై నిప్పులు చెరిగిన కేసీఆర్ ఈ మధ్యకాలంలో మాత్రం చాలా సైలెంట్ అయిపోయారు. ఎందుకో తెలియదు కానీ ..వ్యూహాత్మక మౌనం పాటిస్తున్నారు. ఫెడరల్ ఫ్రంట్ అంటూ హడావుడి చేసిన కేసీఆర్ ప్రస్తుతం ఆ ఊసే తీయడం లేదు. ప్రస్తుతం కేసీఆర్ వ్యవహారశైలి మాత్రం అనేక అనుమానాలకు తావిస్తోంది.

కేసీఆర్ అనేక బహిరంగ సభల్లో మోడీని ఏకవచనంతో “డు” అని కూడా సంభోదించి సంచలనం సృష్టించారు. అటువంటి వ్యక్తి మూడు నెలల నుంచి దాదాపుగా సైలెంట్ గా ఉంటున్నారు. దీని వెనుక ఏదో బలమైన కారణమే ఉండి ఉంటుందని ఎవరికీ వారు ఊహాగానాలకు తెరలేపారు.

బెంగాల్ ముఖ్యమంత్రి మమతా బెనర్జీ, తమిళనాడు విపక్ష డిఎంకె నేతలను కలిసి ఫెడరల్ ఫ్రంట్ అనే ప్రకటన చేశారు. కర్ణాటక ఎన్నికల్లో జనతాదళ్ కు మద్దతు ప్రకటించి వచ్చారు. ప్రమాణ స్వీకార కార్యక్రమానికి హాజరుకాకపోయినా, ముందు రోజే వెళ్లి శుభాకాంక్షలు చెప్పి వచ్చారు