The dark secret behind heroine’s flawless beauty

హీరోయిన్ల ముఖ సౌందర్యం మామూలు అమ్మాయిల కంటే వేరుగా ఎందుకు ఉంటుంది? వారు మాత్రం మనలా కాకుండా మిలమిల ఎందుకు మెరిసిపోతుంటారు? మేకప్ వేసుకుంటారు కదా అని అంటారు అది నిజమే, కాని మేకప్ తీసేసినా, హీరోయిన్లలో చాలామంది చాలా అందంగా కనిపిస్తారు. వీరి అందం వెనుక సీక్రేట్ మంచివి ఉన్నాయి, చెడువి ఉన్నాయి. మొదట మంచి గురించి మాట్లాడుకుంటే, మంచి డైట్, మంచి నిద్ర ఉంటుంది కాబట్టి అందంగా ఉంటారు, డిటాక్సిఫికేషన్ చేసుకుంటారు కాబట్టి అందంగా ఉంటారు … కాని ఈ మంచి అలవాట్లతో పాటు వీరి అందం కోసం ఓ చెడుమార్గం కూడా ఎంచుకున్నారు .. అదే బోటాక్స్. ప్రపంచవ్యాప్తంగా ప్రతి ఏడాది దాదాపుగా 60 లక్షలమంది బోటాక్స్ ఇంజెక్షన్లు వాడుతున్నారని ఓ రిపోర్టు. అందులో సినిమా సెలబ్రిటీలే ఎక్కువ అంట

ఈ బోటాక్స్ ముఖానికి తీసుకుంటారు హీరోయిన్లు. దీని ద్వారా ముడతలని తొలగించుకుంటారు. ఒక్కో ఇంజెక్షన్ కొంతకాలం పాటు మజిల్స్ ని పారాలైజ్ చేస్తుంది. దాంతో చర్మం లేతగా కనబడుతుంది. దీన్ని న్యూరోటాక్సిన్ నుంచి తయారుచేస్తారు. దీనివల్ల తాత్కాలికంగా చర్మం లేతగా ఉండవచ్చు కాని, సైడ్ ఎఫెక్ట్స్ చాలా ఎక్కువ ఉంటాయి. ఎందుకంటే బోటులిజం అనే వ్యాధిని మోసుకొచ్చే బ్యాక్టరీ బొటులినం టాక్సిన్ తో తయారుచేస్తారు దీన్ని. బోటులిజం అనేది చాలా తీవ్రత కలిగిన వ్యాధి.

ఈ వ్యాధి ద్వారా ఇంఫెక్ట్ అయితే మాత్రం మనిషి మెదడు తన అదుపులో ఉండకపోవచ్చు, చూపు మందగింవచ్చు, శ్వాస సంబంధిత వ్యాధులు రావొచ్చు. ఇక హీరోయిన్లు తీసుకునే బోటాక్స్ పరిమాణం వేరు. దీన్ని ఎక్కువగా వాడితే ట్రీట్ మెంట్ వికటించి, ఉన్న అందం కూడా పోవచ్చు (బాలివుడ్ లో ముగ్గురు నలుగురు హీరోయిన్లకి ఇలా జరిగింది). అలాగని వాడుతున్నవారందరికి వైద్యం వికటిస్తుంది అని కాదు, డోస్ ని కంట్రోల్ లో పెట్టుకోని వారికి ఇలా జరుగుతుంది. చాలామంది హీరోయిన్లు డోస్ ని కంట్రోల్ లో పెట్టుకోని, మనుషుల్లా కాకుండా దేవకన్యల్లా కనబడేందుకు ప్రయత్నిస్తుంటారు.