ఆ రెండు ఎన్నికలూ ఒకేసారి ! టీడీపీ ప్లాన్ ఇదే !    2018-06-23   01:10:00  IST 

దేశంలో ముందస్తు ఎన్నికలు రాబోతున్నాయి అనే వార్తలు అన్ని రాజకీయ పార్టీల్లో కలవరం పుట్టిస్తున్నాయి. జమిలి ఎన్నికల పేరుతో కేంద్రం ఈ కొత్త ప్రదిపాదన తీసుకోచ్చిది. అయితే ఇది అమలవుతుందా .. లేదా అనే విషయాన్ని పక్కనపెడితే పార్టీల్లో మాత్రం ఎందుకైనా మంచిది అన్నిటికి సిద్దంగా ఉంటేనే బెటర్ అన్న ధోరణి కనిపిస్తోంది. ముందస్తు ఎన్నికల వలన బీజేపీ బాగా లబ్ది పొందవచ్చని చూస్తోంది.

కేంద్రం ఆలోచన అలా ఉందంటే మన హైటెక్ సీయం చంద్రబాబు నాయుడు ఊరుకుంటాడా .. అది కుడా తనకు కలిసివచ్చేలా వ్యూహం పన్నెసాడు. పనిలో పనిగా ముందస్తు ఎన్నికలకు … పంచాయతీలకు కూడా కలిపి ఒకేసారి ఎన్నికలు నిర్వహించబోతున్నాం అన్నట్లుగా సంకేతాలు ఇస్తున్నారు.

అనంతపురం జిల్లాకు చెందిన తెలుగుదేశం పార్టీ నాయకులతో చంద్రబాబునాయుడు ఓ సమీక్ష సమావేశం నిర్వహించారు. అందులో భాగంగానే.. పార్లమెంటు, అసెంబ్లీకి తోడుగా పంచాయతీ స్థానిక సంస్థల ఎన్నికలు కూడా ఒకేసారి వచ్చేస్తాయని ఆయన చెప్పారు. అందరు దీనికి తగ్గట్టుగా సిద్దంగా ఉండాలని సూచించాడు.