తన ఆస్తుల వెనుక గుట్టు విప్పిన శ్రీరెడ్డి     2018-04-30   01:21:15  IST  Raghu V

గత కొన్ని వారాలుగా సినిమా పరిశ్రమను కుదిపేస్తున్న అంశం శ్రీరెడ్డి. సోషల్‌ మీడియాలో, ఎలక్ట్రానిక్‌ మీడియాలో ఇలా అన్ని మీడియాల్లో కూడా శ్రీరెడ్డి పేరు మారు మ్రోగి పోతుంది. కాస్టింగ్‌ కౌచ్‌పై యుద్దం ప్రకటించిన ఈమె ఆ మద్య ఫిల్మ్‌ ఛాంబర్‌ ముందు అర్థనగ్న ప్రదర్శణ చేయడంతో సంచలనంగా మారిపోయింది. ఆ తర్వాత సురేష్‌బాబు తనయుడుతో పాటు పలువురు సినీ ప్రముఖుల లీలలు బయట పెట్టడంతో పాటు పవన్‌పై తీవ్ర స్థాయిలో అభ్యంతరకర వ్యాఖ్యలు చేయడంతో ఈ అమ్మడు మోస్ట్‌ పాపులర్‌ అయ్యింది. ఈమె ఎంతో మంది లీక్‌లు బయట పెడుతున్న సమయంలోనే ఈమెకు సంబంధించిన కొన్ని విషయాలు బయటకు వస్తున్నాయి.

శ్రీరెడ్డికి వ్యతిరేకంగా కరాటే కళ్యాణి కొన్ని సాక్ష్యాధారాలను సాధించింది. ఈమె తల్లిదండ్రులకు దూరంగా ఉంటుందనే మాట వాస్తవం కాదని, ఆమె కొన్నాళ్ల క్రితం ఒక ఖరీదైన ఫ్లాటు గృహ ప్రవేశం చేసింది. ఆ సమయంలో తల్లిదండ్రులు ఆమె వెంటే ఉన్నారని, అలాగే ఆమె ఖరీదైన కార్లను కూడా కొన్నట్లుగా ఆమె నిరూపించింది. చాలా విలాసవంతమైన జీవితంను గడుపుతున్న శ్రీరెడ్డికి అంతగా డబ్బు ఎక్కడ నుండి వస్తుందని, ఆమెకు ఎవరు ఆర్థిక సాయం చేస్తున్నారంటూ కొందరు ప్రశ్నిస్తున్నారు. ఈ సమయంలోనే శ్రీరెడ్డి తన ఆస్తుల వెనుక ఉన్న రహస్యంను తెలియజేసింది.