బిగ్‌బాస్‌ 2.. మొదటి ఎలిమినేషన్‌ ఎవరో తెలిసిపోయింది

నాని హోస్ట్‌గా బిగ్‌బాస్‌ సీజన్‌ 2 ప్రారంభం అయ్యింది. మొదటి సీజన్‌ సూపర్‌ హిట్‌ అవ్వడంతో రెండవ సీజన్‌ కూడా ఆకట్టుకుంటుందనే నమ్మకం మొదటి నుండి వ్యక్తం అవుతూ వచ్చింది. అయితే సెలబ్రెటీల ఎంపిక విషయంలో స్టార్‌ మా కాస్త తప్పుడు నిర్ణయం తీసుకుందని, ఇద్దరు ముగ్గురు మినహా మరెవ్వరు కూడా సెలబ్రెటీలు తెలిసిన వారు లేరు అంటూ ప్రేక్షకులు పెదవి విరుస్తున్నారు. ఈ సీజన్‌లో ముగ్గురు సామాన్యులు కూడా హౌస్‌లోకి వెళ్లడం ఆసక్తికర విషయం. ఈ షో మెల్ల మెల్లగా ఆసక్తికరంగా సాగుతుంది. మొదటి రెండు రోజుల పాటు సో సోగానే సాగినప్పటికి మూడవ రోజు నుండి షోలో ట్విస్ట్‌లు మొదలు అయ్యాయి.

బిగ్‌బాస్‌ సీజన్‌ 2లో మొదటి వారం ఎలిమినేషన్‌ పక్రియ ప్రారంభం అయ్యింది. ఓటింగ్‌ కూడా అప్పుడే మొదలు అయ్యింది. మొదటి వారంలో సంజన, దీప్తి, కిరీటి, గణేష్‌లు ఎలిమినేషన్‌ జాబితాలో ఉన్నారు. ఈ నలుగురిలో శనివారం లేదా ఆదివారం ఎలిమినేషన్‌ అయ్యే వ్యక్తి ఎవరు అంటూ ప్రస్తుతం ఆసక్తికర చర్చ జరుగుతుంది. బిగ్‌బాస్‌ చూస్తున్న ప్రేక్షకులు ఈ నలుగురికి ఓట్లు వేసి వారిని ఇంట్లోనే ఉంచేలా చేయాలి. వారి ప్రవర్తన బట్టి వారికి లభించే ఓట్లు ఉంటాయి. మొదటి సీజన్‌ మొదటి వారంలో జ్యోతి ఎలిమినేట్‌ అయిన విషయం తెల్సిందే. ఆమె అతి ప్రవర్తన మరియు దుడుకు తనం వల్లే ఆమె మొదటి వారంలోనే బయటకు వచ్చేసింది.