Samantha’s rare record with Top – 3 heroes

సమంతని గొల్డెన్ లెగ్ అని అనవచ్చు. ఎందుకంటే ఈ బ్యూటి కెరీర్లో విజయాల శాతమే ఎక్కువ. వచ్చిరావడంతోనే ఏం మాయ చేసావే, బృందావనం, దూకుడు లాంటి విజయాలను రుచి చూసిన సమంత, ఇప్పుడు మరో అరుదైన రికార్డు తన ఖాతాలో వేసుకుంది. అదేటంటే, టాప్ 3 హీరోలైన పవన్ కళ్యాణ్, మహేష్ బాబు, ఎన్టీఆర్ ల బిగ్గేస్ట్ హిట్స్ లో హీరోయిన్ గా ఉండటం.

మీరే గమనించండి … సమంత మహేష్ బాబుతో చేసిన దూకుడు రికార్డుల మోత మోగించింది. అప్పటికి మహేష్ కెరీర్లో అతిపెద్ద హిట్ గా, మగధీర తరువాత రెండోవ అతిపెద్ద గ్రాసర్ గా నిలిచింది. ఇదే సమంత పవన్ కళ్యాణ్ తో చేసిన అత్తారింటికి దారేది ఆ సమయంలో ఇండస్ట్రీ హిట్. ఇప్పటికి పవన్ కి టాప్ గ్రాసర్ ఇదే.

ఇక ఎన్టీఆర్ తో జనతా గ్యారేజ్ కూడా దూకుడు, అత్తారింటికి దారేది లాంటి ఫలితమే. బాహుబలి, శ్రీమంతుడు చిత్రాల తరువాత బిగ్గెస్ట్ గ్రాసర్ గా నిలిచిన ఈ చిత్రం, ఎన్టీఆర్ కెరీర్లో అతిపెద్ద హిట్. ఈ ఘనత సమంతకి తప్ప మరో హీరోయిన్ కి దక్కలేదు. శృతిహాసన్ నటించిన గబ్బర్ సింగ్, శ్రీమంతుడు పవన్, మహేష్ కెరీర్లో బిగ్గెస్ట్ గా నిలిచినా, శృతి ఎన్టీఆర్ తో అలాంటి బ్లాక్బస్టర్ ని ఎన్టీఆర్ తో సాధించలేకపోయింది.