రేణుదేశాయ్‌కి ఇంకో కూతురు?    2018-06-27   01:34:37  IST  Raghu V

పవన్‌ కళ్యాణ్‌ మాజీ భార్య రేణుదేశాయ్‌ రెండవ వివాహం చేసుకునేందుకు సిద్దం అయ్యింది. ఇటీవలే రేణుదేశాయ్‌ వివాహ నిశ్చితార్థం కూడా అయ్యింది. ఈ సమయంలోనే ఈమె సోషల్‌ మీడియాలో చాలా యాక్టివ్‌గా ఉంటున్నారు. తన రెండవ పెళ్లి గురించి, తన పిల్లల గురించి ఇలా రకరకాల విషయాలను సోషల్‌ మీడియాలో అభిమానులతో షేర్‌ చేసుకుంటూ ఉంది. తాజాగా ఈమె తన కూతురు ఆధ్య మరో పాపతో ఉన్న ఫొటోను షేర్‌ చేసింది. ఆ ఫొటోతో ఒక విషయాన్ని ఇండైరెక్ట్‌గా చెప్పేసింది. ఆ పాప తన రెండో కూతురు అంటూ చెప్పకనే చెప్పింది.

ఈ ఫొటోలో కనిపిస్తున్న ఇద్దరు ఇప్పటి వరకు స్నేహితులు మాత్రమే, ఇకపై వారిద్దరు ఒకే ఇంటి వారు అవ్వబోతున్నారు అంటూ సోషల్‌ మీడియాలో పోస్ట్‌ చేసింది. అంటే వారిద్దరు ఇకపై ఒకే ఇంట్లో, సొంత వారిగా ఉండబోతున్నారన్న మాట. అంటే రేణుదేశాయ్‌ చేసుకోబోతున్న వ్యక్తికి అంతకు ముందే పాప ఉందని, ఆ పాప ఆద్యకు స్నేహితురాలు అయ్యి ఉంటుందని విశ్లేషకులు అభిప్రాయం వ్యక్తం చేస్తున్నారు. ఆద్య వల్ల అతడితో రేణుదేశాయ్‌కి పరిచయం ఏర్పడి ఉండవచ్చు అంటూ కూడా కొందరు భావిస్తున్నారు.