పక్కా ఫ్లాప్‌.. మరెందుకు ఈ హడావుడి?    2018-05-16   01:45:03  IST  Raghu V

పూరి జగన్నాధ్‌ దర్శకత్వంలో తెరకెక్కి తాజాగా ప్రేక్షకుల ముందుకు వచ్చిన ‘మెహబూబా’ చిత్రాన్ని ప్రేక్షకులు తిరష్కరించారు. భారీ బడ్జెట్‌తో ప్రతిష్టాత్మకంగా తీసుకుని పూరి ఈ చిత్రాన్ని నిర్మించాడు. తన కొడుకు పూరి ఆకాష్‌ను స్టార్‌ హీరోగా పరిచయం చేసేందుకు పూరి కాస్త ఎక్కువగానే కష్టపడ్డాడు. కాని ఫలితం తారు మారు అయ్యింది. మెహబూబా చిత్రం ఫ్లాప్‌ టాక్‌ను సొంతం చేసుకుంది. ఇప్పటికే సగానికి పైగా థియేటర్ల నుండి ఈ సినిమాను తొలగించడం జరిగింది. అన్ని ఏరియాల్లో కలిపి ఈ చిత్రం మొదటి వారం రోజుల్లో కనీసం 5 కోట్లు వసూళ్లు చేసే పరిస్థితి లేదు. రెండవ వారం తర్వాత ఈ సినిమా కలెక్షన్స్‌ పూర్తిగా డ్రాప్‌ అవ్వడం ఖాయం.

ఇలాంటి పరిస్థితుల్లో చిత్ర యూనిట్‌ సభ్యులు సైలెంట్‌గా ఉండాల్సింది పోయి హడావుడి చేస్తూ పరువు తీసుకుంటున్నారు. తాజాగా ఈ చిత్రాన్ని సక్సెస్‌ చేసినందుకు కృతజ్ఞతలు అంటూ చిత్ర యూనిట్‌ సభ్యులు థ్యాంక్స్‌ మీట్‌ను ఏర్పాటు చేయడం జరిగింది. భారీ ఎత్తున జరిగిన థ్యాంక్స్‌ మీట్‌లో చిత్ర యూనిట్‌ సభ్యులు సినిమా భారీ విజయాన్ని సొంతం చేసుకుందని, సినీ ప్రముఖులు మరియు విమర్శకులు సినిమాపై ప్రశంసల జల్లు కురిపిస్తున్నారు అంటూ ఆనందాన్ని వ్యక్తం చేస్తున్నారు.