పెద్ద చిత్రాలకు భయపడుతున్న సురేష్‌బాబు!     2018-07-01   23:57:14  IST  Raghu V

టాలీవుడ్‌ ప్రముఖ నిర్మాతల్లో సురేష్‌బాబు ఒకరు. ఈయన తండ్రి రామానాయుడు స్థాపించిన సురేష్‌ ప్రొడక్షన్స్‌ 50 సంవత్సరాలుగా కొనసాగుతూ వస్తుంది. అప్పట్లో భారీ చిత్రాలకు పెట్టింది పేరుగా నిలిచిన సురేష్‌ ప్రొడక్షన్స్‌ ప్రస్తుతం చిన్న చిత్రాలకే ప్రాముఖ్యత ఇస్తున్నారు. రామానాయుడు చివరి రోజుల్లో కూడా ఎక్కువ చిన్న చిత్రాలను నిర్మించేందుకు ఆసక్తి చూపించారు. చిన్న చిత్రాలు నిర్మించడం వల్ల టెన్షన్‌ ఉండదు అని రామానాయుడు చెబుతూ ఉండేవారు. అయితే సురేష్‌బాబు కూడా ఆ టెన్షన్‌ను తీసుకునేందుకు ఆసక్తి చూపడం లేదని తెలుస్తోంది.

ఈమద్య కాలంలో సురేష్‌బాబు నిర్మించిన చిత్రాలు అన్ని కూడా దాదాపు 10 కోట్ల బడ్జెట్‌లోపు చిత్రాలే అని చెప్పుకోవచ్చు. తాజాగా సురేష్‌ ప్రొడక్షన్స్‌లో వచ్చిన ‘ఈ నగరారిని ఏమైంది’ చిత్రం 6 కోట్ల వ్యయంతో తెరకెక్కినట్లుగా తెలుస్తోది. ఇలా చిన్న బడ్జెట్‌ చిత్రాలను నిర్మించడం, ఎక్కువగా లాభాలను దక్కించుకోవడం ఈయన చేస్తున్నాడు. దాంతో పెద్ద చిత్రాలను సురేష్‌బాబు నిర్మించేందుకు ఆసక్తి చూపడం లేదు. మహా అయితే 20 కోట్ల వరకు సినిమాలకు కేటాయించాలి తప్ప అంతకు మించి ఖర్చు చేయవద్దు అనేది సురేష్‌బాబు పాలసీగా కనిపిస్తుంది.