సినిమాలకు దూరం.. సినిమా వారికి చేరువగా    2018-05-09   03:02:45  IST  Raghu V

పవర్‌ స్టార్‌ పవన్‌ కళ్యాణ్‌ ‘అజ్ఞాతవాసి’ చిత్రం తర్వాత పూర్తి స్థాయి రాజకీయాల్లోకి ఎంట్రీ ఇచ్చాడు. రాజకీయాల్లో బిజీగా ఉంటున్న పవన్‌ కళ్యాణ్‌ వీలున్నప్పుడల్లా సినిమా కార్యక్రమాల్లో పాల్గొనేందుకు ఆసక్తి చూపుతున్నాడు. తనకు ఇంతటి క్రేజ్‌ను ఇచ్చిన సినిమా పరిశ్రమను వదిలేయడం ఇష్టం లేకనే పవన్‌ సినిమాలు చేయకున్నా కూడా సినిమా పరిశ్రమలో జరుగుతున్న కార్యక్రమాల్లో హాజరు అవ్వడం, సినిమా వేడుకల్లో పాల్గొని చిత్ర యూనిట్‌ సభ్యులకు అభినందనలు తెలియజేయడం చేస్తున్నాడు. పవన్‌ మద్య కాలంలో వరుసగా సినిమా కార్యక్రమాల్లో కనిపిస్తూ ఫ్యాన్స్‌కు ఆశ్చర్యంను కలిగిస్తున్నాడు.

పవన్‌ హీరోగా చేసే సమయంలో ఇతర హీరోల సినిమాల వేడుకల్లో పాల్గొనడం లేదా అసలు సినిమాలు చూడకపోవడం చేసేవాడు. కాని సుదీర్ఘ కాలం తర్వాత పవన్‌ తన అన్న కొడుకు రామ్‌ చరణ్‌ నటించిన రంగస్థలం చిత్రాన్ని థియేటర్‌లో చూడటం జరిగింది. ఆ సినిమా బాగా నచ్చడంతో అప్పుడే మీడియా సమావేశం ఏర్పాటు చేసి మరీ సినిమాపై ప్రశంసలు కురిపించాడు. ఆ తర్వాత సక్సెస్‌ మీట్‌లో పవన్‌ పాల్గొని చిత్ర యూనిట్‌ సభ్యులకు తన తరపున అభినందనలు తెలియజేశాడు. తాజాగా మళ్లీ మళ్లీ కూడా సినిమా వేడుకల్లో కనిపించేందుకు ఓకే చెప్పాడు, రెండు సినిమా వేడుకల్లో పవన్‌ పాల్గొనబోతున్నాడు.