సీఎం అభ్యర్ధిగా పవన్ కళ్యాణ్..డిసైడ్ చేసింది ఎవరంటే.     2018-07-02   02:53:08  IST  Bhanu C

2019 ఎన్నికల్లో ఏపీలో ఒక మహా కూటమి రాబోతోందని ఆకూటమిని కాపు కాసే సత్తా పవన్ కళ్యాణ్ కి మాత్రమే ఉందని అంటున్నారు సీపీఐ రాష్ట్ర నేత రామకృష్ణ..అంతేకాదు మా సీఎం అభ్యర్ధిగా పవన కళ్యాణ్ ఉంటారని ఆయన డిసైడ్ చేసేశారు..ఈ ప్రకటనతో ఒక్క సారిగా ఏపీ రాజకీయాల్లో కుదుపు మొదలయ్యింది ఇప్పటి వరకూ ఒక క్లారిటీ తో ఉన్న నేతలలో ఈ కూటమి ప్రకటన కలకలం రేపుతోంది..చాలా మంది నేతలు ఏ పార్టీలోకి వెళ్ళాలి అని ఆలోచిస్తూ ఉన్న తరుణంలో మళ్ళీ ఈ ప్రకటన పూర్తి సందిగ్ధత లోకి నెట్టేసింది. వివరాలలోకి వెళ్తే ..

కర్నూల్ జిల్లా ఆలూరు ఆర్‌అండ్‌బీ అతిథి గృహంలో ఆదివారం విలేఖరులతో మాట్లాడిన ఆయన పలు కీలక అంశాలపై కూడా కామెంట్స్ చేశారు..పవన్ కళ్యాణ్ కి ప్రజలలో బాగా క్రేజ్ ఉందని క్లీన్ ఇమేజ్ ఉందని రెండూ ఉన్న నాయకుడు దొరకరం చాలా అరుదని అందుకే అలాంటి లక్షణాలు ఉన్న నేత సీఎం అభ్యర్ధిగా ఉంటే పూర్తి న్యాయం జరుగుతుందనే నమ్మకం అందరిలో ఉందని..బడుగు బలహీన వర్గాలకి న్యాయం చేయగల దమ్ము అంతటి మనసు పవన్ లో మాత్రమే మేము చూశామని అంటున్నారు సీపీఐ నేతలు.