ఎన్టీఆర్‌కు పోటీగా మల్టీస్టారర్‌..!    2018-07-02   02:35:43  IST  Raghu V

యంగ్‌ టైగర్‌ ఎన్టీఆర్‌, త్రివిక్రమ్‌ల కాంబినేషన్‌లో తెరకెక్కుతున్న చిత్రం ‘అరవింద సమేత’. భారీ అంచనాల నడుమ రూపొందుతున్న ఈ చిత్రంలో హీరోయిన్‌గా పూజా హెగ్డే నటిస్తున్న విషయం తెల్సిందే. ఇక ఈ చిత్రం షూటింగ్‌ను శరవేగంగా పూర్తి చేసి దసరాకు విడుదల చేసేందుకు ప్రయత్నాలు చేస్తున్నారు. ఇప్పటికే ఫస్ట్‌లుక్‌ విడుదలైంది. సినిమా టీజర్‌ను ఈనెల చివర్లో లేదా వచ్చే నెలలో ప్రేక్షకుల ముందుకు తీసుకు వచ్చేందుకు ఏర్పాట్లు జరుగుతున్నాయి. ఇక చిత్రాన్ని దసరా కానుకగా విడుదల చేయాలని దర్శకుడు తీవ్రంగా కృషి చేస్తున్నాడు.

దసరా సీజన్‌లో వరుసగా చిత్రాలు వస్తాయి. అయితే ఇప్పటి వరకు ఎన్టీఆర్‌, ‘అరవింద సమేత’ చిత్రం మాత్రమే ఉంటుందని అంతా భావించారు. కాని తాజాగా దసరా బరిలోకి నాగార్జున మరియు నానిలు కలిసి నటిస్తున్న మల్టీస్టారర్‌ రంగంలోకి దిగుతుంది. ప్రస్తుతం శరవేగంగా చిత్రీకరణ జరుపుకుంటున్న ఈ మల్టీస్టారర్‌ చిత్రం ఆగస్టు చివర్లో చిత్రీకరణ పూర్తి చేసుకోబోతుంది. అందుకే ఈ చిత్రంను దసరాకు విడుదల చేయడం వల్ల మంచి ఫలితం ఉంటుందనే అభిప్రాయం చిత్ర యూనిట్‌ సభ్యుల్లో వ్యక్తం అవుతుంది.