Unnecessary budget for Mahesh Babu – ARM film ?

సినిమా హిట్ అయితే ఫర్వాలేదు కాని, పొరపాటులో ఫ్లాప్ అయితే మాత్రం అందరి బాణాలు డైరెక్టర్ వైపే మళ్ళుతాయి. అన్నిటికన్నా ముందుగా డైరెక్టర్ చెప్పిన బడ్జెట్ లో తీయలేదని, అనవసర ఖర్చులు పెట్టించాడనే గుసగుసలు మొదలుపెడతారు. ఇప్పుడు ఈ టాపిక్ ఎందుకు అంటే మహేష్ బాబు – మురుగదాస్ సినిమా బడ్జెట్ బాగానే అవుతోందట.

యాక్షన్ సన్నివేశాలు భారి ఎత్తున, భారీ బడ్జెట్ తో తీస్తున్నారు. ఒక్కో సన్నివేశానికి కోట్ల ఖర్చు పెడుతున్నారు. ఆ సన్నివేశాలు కథలో భాగం కాబట్టి నో ప్రాబ్లెం. అయితే ఫస్ట్ లుక్ టీజర్ కోసం ప్రత్యేకంగా ఓ వీడియో షూట్ చేశారని అప్పట్లో అన్నారు. అంతేకాదు, సంక్రాంతి నుంచి ఊపందుకునే ఈ సినిమా ప్రమోషన్స్ కోసం ప్రత్యేకంగా కొన్ని వీడియోలు షూట్ చేస్తారట. ఇవి కథలో భాగం కాదని, కేవలం ప్రమోషన్స్ కోసమే అని టాక్. ఆ ప్రమోషన్స్ జనాలకి నచ్చి సినిమా మీద అంచనాలకి ఉపయోగపడితే ఓకే కాని, ఆ వీడియోలు మాత్రం ఫేయిల్ అయితే మురుగదాస్ మీదే అందరి కన్ను పడుతుంది. అంత ఖర్చు మహేష్ ఎలా పెట్టనిచ్చాడు అని మహేష్ మీద కూడా కామెంట్స్ వినిపిస్తాయి.

చూద్దాం .. దీపావళికి వచ్చే ఫస్ట్ లుక్ ఎంతోకొంత ఈ సినిమా గురించి తెలిసిపోతుందిగా. అప్పుడైతే ఓ అంచనాకి రావొచ్చు, మురుగదాస్ అనవసరపు ఖర్చులు పెట్టిస్తున్నాడో లేక అవసరమైన ఖర్చే పెట్టిస్తున్నాడో!