మేం చెప్పిందే, బాలయ్య ప్రకటించాడు    2018-05-27   23:39:08  IST  Raghu V

నందమూరి తారక రామారావు జీవిత చరిత్ర ఆధారంగా బాలకృష్ణ మొదలు పెట్టిన ‘ఎన్టీఆర్‌’ చిత్రంపై నీలి నీడలు కమ్ముకున్న సమయంలో అనూహ్యంగా క్రిష్‌ పేరు తెరపైకి వచ్చింది. తాజాగా ఆ విషయమై బాలయ్య క్లారిటీ ఇస్తూ ఒక వీడియోను విడుదల చేశాడు. ఆ వీడియోలో ‘ఎన్టీఆర్‌’ చిత్రానికి క్రిష్‌ దర్శకత్వం వహిస్తాడని తేల్చి చెప్పాడు. తేజ ఈ ప్రాజెక్ట్‌ నుండి తప్పుకున్న సమయంలోనే తెలుగు స్టాప్‌ ఈ చిత్రానికి న్యాయం చేయగల సత్తా కేవలం క్రిష్‌కు మాత్రమే ఉందని, ఆయన్ను బాలయ్య ఒప్పిస్తే, సినిమా సగం సక్సెస్‌ అయినట్లే అంటూ కొన్ని రోజుల క్రితం కథనం రాయడం జరిగింది, ఇప్పుడు అదే జరిగింది.

మేం చెప్పినట్లుగానే క్రిష్‌ను ఒప్పించడంతో ‘ఎన్టీఆర్‌’ సినిమాకు బాలయ్య సగం సక్సెస్‌ అప్పుడే పొందాడు. బాలీవుడ్‌లో ‘మణికర్ణిక’ చిత్రాన్ని తెరకెక్కించిన క్రిష్‌ ప్రస్తుతం ఆ సినిమా నిర్మాణానంతర కార్యక్రమంలో బిజీగా ఉన్నాడు. మరో రెండు మూడు నెలల వరకు క్రిష్‌ ఆ పనితోనే ఉంటాడు. అందుకే ఎన్టీఆర్‌ సినిమాకు కాస్త సమయం కావాలని బాలయ్యను రిక్వెస్ట్‌ చేయడం, బాలయ్య వెంటనే గ్రీన్‌ సిగ్నల్‌ ఇవ్వడం జరిగిపోయిందట. బాలయ్య ఏరి కోరి క్రిష్‌ను ఎంపిక చేసుకున్నాడు కనుక ఆయన ఎప్పుడు అంటే అప్పుడే సినిమా చేయాల్సి ఉంటుంది.