మకర సంక్రాంతి గురించి మీకు తెలియని కొన్ని ఆశక్తికరమైన విషయాలు     2018-01-12   21:37:23  IST  Raghu V

Importance of Makar Sankranti

హిందువులు ప్రతి పండుగను లూనార్ క్యాలెండర్ ప్రకారం జరుపుకోవటం వలన ప్రతి సంవత్సరం పండుగల తేదీలు మారతాయి. కానీ సంక్రాతి పండుగను సోలార్ క్యాలెండర్ ని అనుసరించి చేసుకోవటం వలన ఇంచుమించు ప్రతి సంవత్సరం ఒకే తేదీన జనవరి 14 న వస్తుంది. సంక్రాతి రోజు సూర్యుడు మకర రాశిలోకి ప్రవేశించుట వలన మకర సంక్రాతి అని పేరు వచ్చింది.

ఆ రోజు వసంత కాలం అధికారికంగా వస్తుంది. ఆ రోజు పగలు,రాత్రి సమయాలు ఎక్కవ ఉంటాయి. ఈ పండుగను దేశం మొత్తం జరుపుకుంటారు. ఇప్పుడు మకర సంక్రాంతి గురించి మీకు తెలియని కొన్ని ఆశక్తికరమైన విషయాల తెలుసుకుందాం.

ఈ రోజు సూర్యుడు తన కోపాన్ని వదిలేసి తన కుమారుడు అయిన శనిని కలుస్తాడని మూఢనమ్మకం ఒకటి ఉంది. ప్రతి ఒక్కరు స్వీట్స్ తింటూ ఆనందంగా గడపాలని చెప్పుతారు.

సంక్రాతి రోజు నువ్వులు,బెల్లం తినాలి. ఈ పండుగ శీతాకాలంలో వచ్చినందు వల్ల నువ్వులు,బెల్లం ఆరోగ్యానికి చాలా మంచిది.

గాలిపటాలను పూర్వ కాలంలో పగలు ఎగరవేసేవారు. ఎందుకంటే ఆ సమయంలో కిరణాలు మన శరీరం మీద బాగా ప్రసరిస్తాయి. ఉదయం సూర్య కిరణాలు మన ఆరోగ్యానికి బాగా సహాయపడతాయి. ఇన్ఫెక్షన్లు, రోగాలు రాకుండా కాపాడుతుంది. అలాగే శరీరంలో ఉన్న చెడు బ్యాక్టీరియా పోతుంది.

ఈ ప్రత్యేకమైన రోజున దక్షిణ భారతదేశంలోని కేరళలో కష్టమైన శబరిమల యాత్ర పూర్తి అయితే, ఉత్తరప్రదేశంలో కుంభ మేలా మకర సంక్రాంతి నుండి ప్రారంభమవుతుంది. దేశంలోని ఇతర ప్రాంతాలలోని ప్రజలు తమ పాపాలను పోగొట్టుకోవడానికి నదుల్లో పవిత్ర స్నానాలను కూడా చేసి ఈ పండుగను జరుపుకుంటారు.