Human Eyes to turn into camera soon with smart contact lens

దారిలో వెళుతుండగా ఏదో ఒక అద్భుత దృశ్యాన్ని చూశాం. ఏదో నేరం మన కంటబడింది. ఇంకేదో ఆసక్తికరమైన దృశ్యం కావచ్చు, అవసరమైన దృశ్యం కావచ్చు, మన కంటబడింది. మరి దాచుకోవాలంటే ఎలా? పబ్లిక్ లో ప్రతీ విషయాన్ని మొబైల్ తీసి ఫోటో తీయలేం కదా. ఎవరికి తెలియకుండా ఓ నేరాన్ని రికార్డు చేయడం కూడా కష్టమే కదా. మరి ఎలా?

ఇదే ఆలోచన సోని కంపెనీకి వచ్చింది. దానికు వారు కనుగొన్న పరిష్కారం స్మార్ట్ కాంటక్ట్ లెన్స్ . కళ్ళలో చాలామంది లెన్స్ వాడతారు కదా. ఆ లెన్స్ ని స్మార్ట్ చేయనున్నారు సోని కంపెనీ వారు. అంటే, కళ్ళలో ఏకంగా ఓ ఎలక్ట్రానిక్ పరికరాన్ని దాచేసుకోవచ్చు అన్నమాట.

మీకు అర్థమయ్యేలా చెప్పాలంటే, ఆ స్మార్ట్ లెన్స్ ద్వారా మీ కళ్ళతోనే ఫోటోలు తీయవచ్చు, వీడియో రికార్డు చేయవచ్చు. అవసరం ఉన్నప్పుడు ప్లే చేసి చూసుకోవచ్చు. అచ్చం కెమెరా లాగే దృశ్యాన్ని జూమ్ చేయవచ్చు. మరి దీన్ని ఎలా ఆపరేట్ చేయాలి? ఇది దేని సహాయంతో పనిచేస్తుంది అనే విషయాలు మాకు మాత్రమే కాదు, సోని కంపెనీకి కూడా తెలియవు. ఎందుకంటే, ప్రస్తుతం ఈ ఐడియా ఇంకా ఐడియాలానే ఉంది. దీన్ని పెటెంట్ చేయిస్తున్నారు. త్వరలోనే ఇలాంటి పరికరంతో మనముందుకి వస్తారట.