కళ్యాణ్‌ రామ్‌ మళ్లీ కొంగొత్త ప్రయోగం.. ఎన్ని చేసినా ఫలితం ఏది     2018-07-04   23:51:43  IST  Raghu V

నందమూరి కళ్యాణ్‌ రామ్‌ ఈమద్య కాలంలో ‘ఎమ్మెల్యే’ మరియు ‘నా నువ్వే’ చిత్రాలతో ప్రేక్షకుల ముందుకు వచ్చాడు. ఆ రెండు చిత్రాలు కూడా బాక్సాఫీస్‌ ముందు బొక్క బోర్లా పడ్డాయి. భారీ డిజాస్టర్స్‌గా ఆ చిత్రాలు తీవ్ర నిరాశను మిగిల్చాయి. అయినా కూడా ఏమార్రతం నిరుత్సాహం చెందకుండా కళ్యాణ్‌ రామ్‌ వరుసగా చిత్రాలు చేసుకుంటూ వస్తున్నాడు. తన ప్రతి సినిమాలో కూడా కొత్తగా కనిపించేందుకు ప్రయత్నాలు చేస్తున్న కళ్యాణ్‌ రామ్‌ తాజాగా మరో కొంగొత్త లుక్‌తో ప్రేక్షకుల ముందుకు వచ్చేందుకు సిద్దం అయ్యాడు.

కళ్యాణ్‌ రామ్‌ ఇప్పటి వరకు 15 చిత్రాల్లో నటించాడు. ప్రస్తుతం ప్రముఖ సినిమాటోగ్రఫర్‌ గుహన్‌ దర్శకత్వంలో తన 16వ చిత్రాన్ని కళ్యాణ్‌ రామ్‌ చేస్తున్నాడు. ఆ సినిమాను మహేష్‌ కోనేరు నిర్మిస్తున్నాడు. ఈ చిత్రంలో కళ్యాణ్‌ రామ్‌ చాలా కొత్తగా కనిపించబోతున్నాడు. ‘నా నువ్వే’ చిత్రంలో లవర్‌బాయ్‌గా కనిపించిన కళ్యాణ్‌ రామ్‌ ఈ చిత్రంలో మరో విభిన్నమైన గెటప్‌తో ఆకట్టుకునేందుకు సిద్దం అవుతుంది. తాజాగా కళ్యాణ్‌ రామ్‌ బర్త్‌డే సందర్బంగా ఆయన ఫస్ట్‌లుక్‌ను రివీల్‌ చేయడం జరిగింది.