అన్నం,బియ్యం పట్ల ఉన్న అపోహలు - వాస్తవాలు     2018-06-22   23:07:35  IST  Lakshmi P

మన దేశంలో చాలా మంది అన్నమును తింటారు. అన్నంలో కూరలను,పెరుగును కలుపుకొని తింటారు. అయితే అన్నం పట్ల ఎన్నో అపోహలు ఉన్నాయి. అన్నం ప్రతి రోజు తినటం వలన శరీరంలో కొవ్వు చేరుతుందా? మధుమేహం ఉన్న వారు ఎక్కువగా అన్నాన్ని తినకూడదా? ఎలా ఎన్నో అపోహలు ఉన్నాయి. ఇప్పుడు వాటి గురించి వివరంగా తెలుసుకుందాం.

బియ్యంలో ఎక్కువగా గ్లూటెన్ అనే ప్రోటీన్ ఉంటుందని అనుకుంటారు. కానీ బియ్యంలో గ్లూటెన్ ఉండదు. ఈ ప్రోటీన్ గోధుమలు, బార్లీ, ఓట్స్ మొదలైన వాటిలో ఉంటుంది. ఒకవేళ గ్లూటెన్ ఉంటే కనుక ఆ పదార్ధానికి నీరు తగిలినప్పుడు సాగుతుంది. కాబట్టి అన్నాన్ని హ్యాపీగా తినవచ్చు.

అన్నం తినటం వలన ఎలాంటి కొవ్వు శరీరంలోకి చేరదు. అయితే అన్నంలో కలుపుకొని తినే ఫ్రై కూరలు,ఫాస్ట్ ఫుడ్స్ ,వ్యాయామం చేయకపోవటం వంటి కారణంగా శరీరంలో కొవ్వు చేరుతుంది. అంతే కానీ అన్నం తినటం వలన శరీరంలో కొవ్వు చేరదు.