తేనెలో నానబెట్టిన ఖర్జురాలను తింటే కలిగే ఆరోగ్య ప్రయోజనాలు    2018-05-01   22:39:22  IST  Lakshmi P

తేనెలో యాంటీ బాక్టీరియ‌ల్‌, యాంటీ ఫంగ‌ల్‌, యాంటీ వైర‌ల్ గుణాలు ఉండుట వలన శరీరంలో రోగనిరోధకశక్తిని పెంచటమే కాకుండా శరీరానికి అవసరమైన పోషకాలను అందిస్తుంది. అలాగే ఎండు ఖర్జురాలను తినటం వలన కూడా మన శరీరానికి అవసరమైన పోషకాలు అందుతాయి. ఈ రెండిటిని కలిపి తీసుకుంటే ఎన్నో ఆశ్చర్యకరమైన ఆరోగ్య ప్రయోజనాలు కలుగుతాయి.

ఈ రెండిటిని కలిపి ఎలా తీసుకోవాలో వివరంగా తెలుసుకుందాం. ఒక జార్ లో తేనే తీసుకోని దానిలో గింజలు తీసిన ఎండు ఖర్జురాలను వేసి వారం రోజుల పాటు అలానే ఉంచాలి. వారం అయిన తర్వాత రోజుకి ఒకటి చొప్పున తింటే అద్భుతమైన ప్రయోజనాలు కలుగుతాయి. వాటి గురించి వివరంగా తెలుసుకుందాం.

తేనే,ఎండు ఖర్జురాలను తినటం వలన రక్తహీనత సమస్య నుండి బయట పడవచ్చు. రక్తం బాగా పడటమే కాకుండా రక్త సరఫరా మెరుగు పడుతుంది. దాంతో గుండె జబ్బులు వచ్చే అవకాశాలు కూడా తగ్గుతాయి. అంతేకాకుండా శరీరానికి హాని చేసే చెడు కొలస్ట్రాల్ తొలగిపోయి శరీరానికి సహాయపడే మంచి కొలెస్టరాల్ పెరుగుతుంది.