ఆ మంత్రిని ఓడించేందుకు హ‌రీశ్ స్కెచ్‌    2018-04-20   23:35:20  IST  Bhanu C

కేసీఆర్ చేతిలో ప‌దునైన ఆయుధం హ‌రీశ్‌రావు. తెలంగాణ రాష్ట్ర సాధ‌న ఉద్య‌మంలో ఈ విష‌యం అనేక‌సార్లు రుజువ‌యింది. అనేక క‌ష్ట కాలాల్లో కేసీఆర్‌ను ఆ ఆయుధ‌మే కాపాడింది. అనేక ప్ర‌తికూల ప‌రిస్థితుల నుంచి బ‌య‌ట‌ప‌డేసింది. ప్ర‌త్య‌ర్థుల‌ను మ‌ట్టిక‌రిపించింది. అందుకే ఏదైనా సంక్లిష్ట స‌మ‌స్య ఎదురైతే సీఎం కేసీఆర్ ప్ర‌యోగించేది హ‌రీశ్‌రావు అనే ప‌దునైన ఆయుధాన్నే. ఉద్య‌మ స‌య‌మంలో జ‌రిగిన ఎన్నిక‌లు, ఉప ఎన్నిక‌ల్లో ఓడిపోయే స్థానాల్లోనూ టీఆర్ఎస్‌ను ఒంటిచేత్తో గెలిపించిన స‌మ‌ర్థుడు హ‌రీశ్‌రావు. అదేన‌మ్మ‌కంతో తాజాగా సీఎం కేసీఆర్ మ‌రొక బాధ్య‌త హ‌రీశ్‌కు అప్ప‌గించాడ‌ని టాక్‌. అదేమిటంటే.. కాంగ్రెస్ పార్టీ మాజీమంత్రి, ఎమ్మెల్యే గీతారెడ్డిని ఓడించడం.

ఉమ్మ‌డి మెద‌క్ జిల్లాలో జ‌హీరాబాద్ కాంగ్రెస్ పార్టీకి కంచుకోట‌. ఈ జిల్లాలో అన్ని సీట్లలో గులాబీ జెండా ఎగిరినా.. జ‌హీరాబాద్‌ ప్రజలు మాత్రం గీతారెడ్డినే ఆదరించారు. గీతారెడ్డి నియోజకవర్గంపై పట్టు జారిపోకుండా జాగ్రత్తలు తీసుకుంటూ టీఆర్ఎస్ పార్టీకి సవాల్‌ విసురుతున్నారు. ఈ నేప‌థ్యంలోనే సీఎం కేసీఆర్ ఈ నియోజ‌క‌వ‌ర్గంపై ప్రత్యేకంగా ద‌`ష్టి సారించారు. వ‌చ్చే ఎన్నిక‌ల్లో గీతారెడ్డిని ఓడించే బాధ్య‌త‌ను మంత్రి హ‌రీశ్‌రావుకు అప్ప‌గించిన‌ట్లు తెలిసింది.