బాబు గారి పిల్లి మొగ్గ‌ల క‌థ ఇదే...     2018-04-09   02:32:37  IST  Bhanu C

ఏపీలో ప్ర‌త్యేక హోదా ఉద్య‌మం ఉగ్ర‌రూపం దాల్చుతోంది. ఎవ‌రిదారిలో వారు.. ఎవ‌రికివారుగా ఉద్య‌మిస్తున్నారు. ఇందులో సీఎం చంద్ర‌బాబుది మాత్రం ప్రత్యేక పంథా.. ఆయ‌న ఎవ‌రితోనూ క‌లవ‌రు.. అంద‌రూ ఆయ‌న‌తోనే క‌ల‌వాలి.. ఆయ‌న నాయ‌క‌త్వంలోనే ఉద్య‌మించాలి.. ప్ర‌త్యేక హోదా అవ‌స‌రం లేదు…ప్ర‌త్యేక ప్యాకేజీ చాలని అనేక సార్లు చెప్పిన బాబుగారు ఇప్పుడు ప్ర‌త్యేక హోదా ఉద్య‌మంలో ఇంటికొక్క‌రు పాల్గొనాల‌ని అఖిల ప‌క్షం స‌మావేశం వేదిక‌గా పిలుపునిచ్చారు.

Chandrababu Gari Pilli Moggalu katha Edhe


ఇక్క‌డివ‌ర‌కు బాగానే ఉన్నా.. అస‌లు అఖ‌లిప‌క్షం అంటే అన్నిపార్టీలు ఉండాలి.. అధికార‌, విప‌క్ష‌, వామ‌ప‌క్షాల‌తోపాటు, ప్ర‌జా, ఉద్యోగ‌, విద్యార్థి సంఘాలూ ఉండాలి. కానీ బాబుగారు స‌చివాల‌యంలో నిర్వ‌హించిన అఖిల‌ప‌క్ష స‌మావేశంలో పాల్గొన్న‌ది ఎవ‌రో కూడా అర్థంకాని ప‌రిస్థితి. అన్నిపార్టీలు క‌లిసిరాకుండానే అఖిల‌ప‌క్షం అని పేరుపెట్టి ఇంటికొక్క‌రు ఉద్య‌మంలో పాల్గొనాల‌ని చంద్ర‌బాబు పిలుపునివ్వ‌డంపై విమ‌ర్శ‌లు వ‌చ్చిప‌డుతున్నాయి. అఖిల‌ప‌క్ష స‌మావేశానికి ప్ర‌ధాన ప్ర‌తిప‌క్షం వైసీపీ, జ‌న‌సేన‌, కాంగ్రెస్‌, వామ‌ప‌క్షాలు హాజ‌రు కాలేదు.