జాతీయ రాజకీయాలపై చంద్రబాబు ఆసక్తి ... ఎంపీగా బరిలోకి ..?  

రాష్ట్ర రాజకీయాలపై చంద్రబాబుకి మొహం మొత్తినట్టుంది అందుకే జాతీయ రాజకీయాల్లో చక్రం తిప్పాలని తెగ ఆరాటపడిపోతున్నాడు. అందుకే గత కొంతకాలంగా వివిధ రాష్ట్రాలకు చెందిన పార్టీ అధినేతలతో మంతనాలు జరుపుతున్నాడు. కర్ణాటక ఎన్నికల ఫలితాల అనంతరం సీఎం ప్రమాణ స్వీకారానికి హాజరైన వివిధ పార్టీల అధినేతలంతా బీజేపీకి వ్యతిరేకంగా ఒక్కటై ఒక ఫ్రెంట్ గా ఏర్పడాలని నిర్ణయించుకున్నారు. ఈ దశలోనే చంద్రబాబు రాబోయే ఎన్నికల్లో ఎంపీ అభ్యర్థిగా పోటీ చేయబోతున్నట్టు తెలుస్తోంది. ఒకవేళ రాష్టంలో ఎన్నికల ఫలితాలు ప్రతికూలంగా వచ్చినా కేంద్రంలో రాజకీయం నడపొచ్చని బాబు ఆలోచన.

ఎన్నికలకు ఇంకా ఏడాది సమయం ఉన్న నేపథ్యంలో తాజాగా ఇటీవల నిర్వహించిన అనేక సర్వేల్లో టీడీపీకి ఎదురుగాలి వీచే అవకాశం ఉన్నట్టు తేలిందట. రాష్ట్రంలో టీడీపీ అధికారంలోకి రాకపోతే.. జాతీయ పార్టీలైన బీజేపీ -కాంగ్రెస్ పార్టీలు కూడా స్ప్రష్టమైన మెజార్టీ వచ్చే అవకాశం లేదు కనుక ప్రాంతీయ పార్టీలను ఏకంచేసి జాతీయ రాజకీయాలలో చంద్రబాబు చక్రం తిప్పేందుకు ఎంపీ గా బరిలోకి దిగాలని చూస్తున్నాడని తెలుస్తోంది.