చ‌రిత్ర‌కెక్కిన ఫ్యామిలీ యువ‌కెర‌టం పొలిటిక‌ల్ ఎంట్రీ.... ఏలూరు ఎంపీ రేసులో ' బోళ్ల రాజీవ్‌ '     2018-04-10   00:22:09  IST  Bhanu C

ఎవ‌రు కాద‌న్నా.. అవున‌న్నాకొన్ని కుటుంబాలకు చెందిన నేత‌ల‌కు రాజ‌కీయంగా ఉండే ప‌లుకుబ‌డి ప్ర‌తిష్ఠ‌, విశ్వ‌స‌నీయత అక్క‌డి ప్ర‌జల్లో బ‌ల‌మైన ప్ర‌భావం చూపిస్తాయ‌న్న‌ది నిజం. తెలుగుదేశం పార్టీకి పెట్ట‌ని కోట‌గా చెప్పుకునే ప‌శ్చిమ‌గోదావ‌రి జిల్లాలో అలాంటి నేప‌థ్య‌మున్న కుటుంబ‌మే.. దివంగ‌త నేత, మాజీ కేంద్ర‌మంత్రి బోళ్ల బులిరామ‌య్యది. జిల్లాలో ప్ర‌ముఖ పారిశ్రామిక‌, రాజ‌కీయ కుటుంబాలైన‌ పెండ్యాల వారితోను, ముళ్ల‌పూడి హ‌రిశ్చంద్రప్ర‌సాద్‌, అల్లూరి బాపినీడు కుటుంబంతోను ఆయ‌న‌కు ద‌గ్గ‌ర బంధుత్వ‌ముంది. వీరికి తెలుగు రాజ‌కీయ చ‌రిత్ర పుట‌ల్లో ఎంతో స్థానం ఉంది.

Bolla Rajiv Political Entry


దిగ్గ‌జ పారిశ్రామిక సంస్థ ఆంధ్రా సుగ‌ర్స్ ప్ర‌గ‌తి ప్ర‌స్థానంలో.. అది శాఖోప‌శాఖ‌లుగా విస్త‌రించ‌డంలో దివంగ‌త ముళ్లపూడి హ‌రిశ్చంద్ర‌ప్ర‌సాద్‌తో స‌మాన‌మైన పాత్ర బుల్లిరామ‌య్య‌ది. అంతేకాదు నాలుగుసార్లు ఏలూరు లోక్ స‌భ స‌భ్యుడిగా, ఒక‌సారి కేంద్ర‌మంత్రిగా అవినీతి మ‌కిలి ఇసుమంతైనా అంట‌ని నాయ‌కుడిగా బుల్లిరామయ్య ప్ర‌జ‌ల్లో గౌర‌వ ప్ర‌తిష్ఠ‌లు సంపాదించుకున్నారు. కీల‌క స‌మ‌యాల్లో పార్టీ అధినేత చంద్ర‌బాబుకు ఆయ‌న అండ‌దండ‌గా ఉంటూ వ‌చ్చారు. కాగా జిల్లాలో ఇపుడు ఆయ‌న రాజ‌కీయ వార‌సుడిగా ఆయ‌న మ‌నుమ‌డు బోళ్ల రాజీవ్ రాజ‌కీయ రంగ‌ప్ర‌వేశం చేయ‌బోతుండ‌టం టీడీపీ క్యాడ‌ర్‌లో మ‌రింత ఆనందోత్సాహాల‌ను నింపుతోంద‌ని చెప్పాలి. 2019 ఎన్నిక‌ల్లో ఏలూరు టీడీపీ ఎంపీ అభ్య‌ర్థిగా బోళ్ల రాజీవ్ పేరు జిల్లా రాజ‌కీయ వ‌ర్గాల్లో జోరుగా చ‌ర్చ‌కు వ‌స్తోంది.