బీజేపీకి చిత్తశుద్ధి లేదా ..? ఏపీపై ఎందుకీ గందరగోళం !     2018-06-19   00:39:21  IST  Bhanu C

విభజన కష్టాల్లో ఉన్న ఏపీకి కేంద్రం సహాయం చేయకపోగా .. బీజేపీ నాయకులు పూటకో మాట .. గంటకో ప్రకటన చేస్తూ .. గందరగోళం సృష్టిస్తున్నారు. బీజేపీ పెద్దలే కాదు ఏపీ నేతలు కూడా ఇదే విధంగా గందరగోళ ప్రకటనలు చేస్తూ అయోమయం సృష్టిస్తున్నారు. విశాఖ రైల్వేజోన్‌ ఖాయమని రాష్ట్ర బీజేపీ నేతలు చెప్తుంటే.. ఇంకా పరిశీలనలోనే ఉందంటూ కేంద్రమంత్రులు స్టేట్‌మెంట్లు ఇస్తున్నారు. కడపలో స్టీల్ ప్లాంట్ ఏర్పాటుపై ఇదే విధంగా ఒకరికొకరు సంబంధంలేని ప్రకటనలు చేస్తున్నారు.

విశాఖలో రైల్వేజోన్‌ ఏర్పాటు అంశంపై.. రైల్వేమంత్రి పీయూష్‌ గోయాల్‌ ఇంకా పథ మాటలే మాట్లాడుతున్నారు. ఆంధ్రప్రదేశ్‌ విభజన చట్టంలో కేవలం రైల్వేజన్‌ అంశాన్ని పరిశీలించాలని మాత్రమే ఉందన్నారు. ప్రస్తుతం మంత్రిత్వశాఖ పరిధిలోనే ఈ అంశం ఉందన్న మంత్రి.. తాను కూడా ఇప్పటికీ ఆ అంశాన్ని పరిశీలిస్తున్నానంటూ చెప్తున్నారు.

కడప స్టీల్ ప్లాంట్.. రైల్వేజోన్ ఇలా ప్రతి విషయంలోనూ … చట్టంలో ఉన్న దాన్నే తాము చేస్తున్నామని చెప్పి తప్పించుకునే ప్రయత్నం చేస్తోంది కేంద్రం. పైగా చట్టంలో ఉన్న హామీలను తాము పరిశీలిస్తూనే ఉన్నామంటూ నాంచివేత ధోరణిలో మాట్లాడుతున్నారు.