ఏపీలో కాంగ్రెస్‌ మెరుగు పడిందా?    2018-06-07   00:37:11  IST  Bhanu C

ఏపీలో రాజకీయం చాలా రసవత్తరంగా సాగుతుంది. 2014లో ఆంధ్ర ప్రదేశ్‌ రెండుగా విడిపోయాక రెండు రాష్ట్రాల్లో రాజకీయ పరిస్థితులు తారు మారు అయ్యాయి. రాష్ట్ర విభజన తెలంగాణలో కాంగ్రెస్‌కు అనుకూలంగా ఉంటుందని భావించారు. కాని తెలంగాణలో కాంగ్రెస్‌కు షాక్‌ ఇచ్చి టీఆర్‌ఎస్‌ ప్రభుత్వం ఏర్పాటు చేసింది. తెలంగాణలో 2019లో కూడా టీఆర్‌ఎస్‌ ప్రభుత్వంకు అవకాశాలు ఎక్కువ ఉన్నాయి అంటూ రాజకీయ విశ్లేషకులు చెబుతున్నారు. కాంగ్రెస్‌ కూడా 2019 ఎన్నికల్లో గట్టి పోటీ ఇచ్చే అవకాశం ఉంది. మరో వైపు ఏపీ పరిస్థితి తల పండిన రాజకీయ నాయకులకు కూడా అర్థం అవ్వడం లేదు.

ఏపీలో ప్రస్తుతం టీడీపీలో అధికారంలో ఉంది. 2014 ఎన్నికల్లో వైకాపాకు భారీగానే సీట్లు, ఓట్లు వచ్చాయి. స్వల్ప తేడాతో వైకాపా అధికారంకు దూరం అయ్యింది. కాంగ్రెస్‌ తీరని అన్యాయం చేసిందనే ఉద్దేశ్యంతో ఆ పార్టీని ఏపీలో నామరూపాలు లేకుండా అక్కడి ప్రజలు చేశారు. కాంగ్రెస్‌ పుంజుకోవడానికి కనీసం దశాబ్ద కాలం పడుతుందని అంతా భావించారు. అయితే ఏపీలో ప్రస్తుత రాజకీయ పరిణామాల నేపథ్యంలో కాంగ్రెస్‌కు జీవం వచ్చినట్లవుతుంది. 2019 ఎన్నికల్లో ఖచ్చితంగా కాంగ్రెస్‌ పార్టీ అంతో ఇంతో ప్రభావం చూడం ఖాయం అనిపిస్తుంది. రాష్ట్ర రాజకీయాల్లో టీడీపీ, వైకాపా, జనసేన, బీజేపీలతో పాటు కాంగ్రెస్‌ కూడా క్రియాశీలకంగా వ్యవహరిస్తుందనే నమ్మకం ఆ పార్టీ నాయకుల్లో వ్యక్తం అవుతుంది.