2018లోనే అనుష్క పెళ్లి.. ఇదే సాక్ష్యం, మరి ప్రభాస్‌?    2018-06-12   03:02:07  IST 

తెలుగు ప్రేక్షకులు ముద్దుగా జేజమ్మ అంటూ పిలుచుకునే అనుష్క ఈమద్య వెండి తెరపై ఎక్కువగా కనిపించడం లేదు. ఈ అమ్మడు ఎప్పుడెప్పుడు సినిమా చేస్తుందా అని అభిమానులు ఎంతో ఆసక్తిగా ఎదురు చూస్తున్నారు. అలాగే అనుష్క పెళ్లి గురించి కూడా ప్రేక్షకులు ఎదురు చూస్తున్నారు. ‘బాహుబలి’ చిత్రం తర్వాత బాలీవుడ్‌ అవకాశాలను సైతం దక్కించుకుంటుందని భావించిన అనుష్కకు సౌత్‌లోనే సినిమాల ఆఫర్లు కష్టం అయ్యాయి. ఆమె బాగా లావు అవ్వడంతో పాటు ఆమె తాజా చిత్రం భాగమతి ఆశించిన ఫలితాన్ని అందించడంలో విఫలం అయ్యింది. దాంతో సినిమాల్లో ఈమెకు ఆఫర్లు తగ్గాయి.

లావు తగ్గడంతో పాటు, కాస్త గ్యాప్‌ తీసుకోవాలని భావించిన అనుష్క సినిమాల్లో అడపా దడపా అవకాశాలు వస్తున్నా కూడా వద్దని అంటూ ఉంది. తాజాగా ఈ అమ్మడు గోపీచంద్‌ సరసన ఒక చిత్రంలో నటించేందుకు ఓకే చెప్పింది. తమిళంలో కూడా గౌతమ్‌ వాసుదేవ్‌ మీనన్‌ దర్శకత్వంలో ఒక చిత్రాన్ని ఈమె చేయబోతుంది. ఈ రెండు సినిమాు మినహా ఈమె మరే సినిమాలను చేయడం లేదు. ఇక గత కొంత కాలంగా అనుష్క ప్రభాస్‌లు ప్రేమలో ఉన్నారు అని, ఇద్దరు కూడా వారి వారి పుట్టిన రోజులకు ప్రత్యేకమైన బహుమానాలు ఇవ్వడంతో పాటు, ఇద్దరి మద్య సన్నిహిత్యం చాలా ఉంది అంటూ ప్రచారం జరుగుతుంది. ఆ మద్య ఒక జాతీయ మీడియాకు సంబంధించిన వ్యక్తి త్వరలోనే ప్రభాస్‌, అనుష్కలు వివాహం చేసుకుంటారు అంటూ ప్రకటించాడు.