నేను టీడీపీలో ఉండ‌లేను.... బిగ్ వికెట్ డౌన్‌కు ముహూర్తం     2018-06-14   00:06:37  IST  Bhanu C

తెలుగు రాజ‌కీయాల్లో సీనియ‌ర్ నేత‌ల్లో ఒక‌రు అయిన మాజీ మంత్రి ఆనం రామనారాయణరెడ్డి తెలుగుదేశం పార్టీకి గుడ్ బై చెప్పబోతున్నారు. ఈ విషయాన్ని ఆయనే స్వయంగా వెల్లడించారు. గత కొంతకాలంగా ఆనం పార్టీ మార్పుపై వార్తలు వస్తున్న సంగతి తెలిసిందే. ఆనం సోద‌రులు ఎన్టీఆర్ హ‌యాంలో టీడీపీలోనే ఉండేవారు. ఆ త‌ర్వాత వైఎస్‌కు ద‌గ్గ‌రై ద‌శాబ్ద కాలం పాటు నెల్లూరు జిల్లాను ఏక‌చ‌క్రాధిప‌త్యంగా ఏలూతు త‌మ‌న క‌నుసైగ‌ల‌తో శాసించారు. 2004, 09 ఎన్నిక‌ల్లో ఆనం సోద‌రులు ఇద్ద‌రూ అసెంబ్లీకి ఎన్నిక‌య్యారు.

ఆనం రామ‌నారాయ‌ణ‌రెడ్డి మంత్రిగా కూడా ప‌నిచేశారు. ఆర్థిక‌శాఖ లాంటి కీల‌క శాఖ‌ను ఆయ‌న ఎంతో స‌మ‌ర్థ‌వంతంగా నిర్వ‌హించి మంచి పేరు తెచ్చుకున్నారు. గ‌త ఎన్నిక‌ల్లో ఆత్మ‌కూరు నుంచి రామ‌నారాయ‌ణ‌రెడ్డి పోటీ చేసి ఓడిపోగా, ఆనం వివేక పోటీకి దూరంగా ఉండి త‌న కుమారుడిని నెల్లూరు సిటీ నుంచి పోటీ చేయించారు. రాష్ట్ర విభ‌జ‌న నేప‌థ్యంలో కాంగ్రెస్ ఏపీలో కొట్టుకుపోవ‌డంతో ఆనం ఫ్యామిలీ నుంచి పోటీ చేసిన ఇద్ద‌రూ ఓడిపోయారు.