మట్టి కుండలో నీటిని త్రాగితే ఎన్ని ప్రయోజనాలు కలుగుతాయో తెలుసా?    2018-05-14   01:03:24  IST 

ఇప్పుడు దాహంగా ఉందంటే ఫ్రిజ్‌లో నీటిని త్రాగుతున్నాం. ఒకప్పుడు అంటే మన పూర్వికులు మట్టి కుండలో నీటిని త్రాగేవారు. అలాగే మట్టి పాత్రల్లో వంటలు కూడా చేసుకొనేవారు. అందుకే వారు ఎటువంటి అనారోగ్యం లేకుండా హ్యాపీగా జీవించేవారు. ఇప్పుడు చెప్పే ఆరోగ్య ప్రయోజనాలు చూసి మీరు కూడా తప్పకుండా మట్టి కుండలోని నీటిని త్రాగటం అలవాటు చేసుకుంటారు. ఇప్పుడు ఆ ఆరోగ్య ప్రయోజనాల గురించి తెలుసుకుందాం.

మట్టి కుండలో నీటిని పోస్తే మట్టి కుండకు ఉన్న లక్షణాల కారణంగా నీటిలోని మలినాలను పీల్చుకొని నీరు స్వచ్ఛంగా మారుతుంది. అందువల్ల ఈ నీరు ఆరోగ్యానికి చాలా మంచిది.

మట్టి కుండలో నీటిని పోయటం వలన దానిలోని ఔషధ గుణాలు ఆ నీటిలో కలుస్తాయి. మన శరీరానికి అవసరమైన మినరల్స్, ఎలక్ట్రోలైట్స్ ఆ నీటిలో ఉండుట వలన రోగనిరోధక శక్తి పెరుగుతుంది.