రాబోయే ఎన్నికల్లో ఏ కులం సపోర్ట్ ఎవరికో తెలుసా ..?    2018-05-30   23:17:43  IST  Bhanu C

ఒక రాజకీయ పార్టీ ప్రజా క్షేత్రంలో నిలబడి అధికారం చేపట్టాలంటే … డబ్బుతో పాటు కులాల సపోర్ట్ కూడా చాలా ముఖ్యం. పైకి ఎవరెన్ని కబుర్లు చెప్పినా .. కులాల మద్దతు కోసం ప్రతి పార్టీ ప్రయత్నిస్తూనే ఉంటాయి. నాయకులూ మాత్రం అబ్బబ్బే మాకు కుల ఫీలింగులు లేనే లేవు .. అటువంటి రాజకీయం మేం చేయబోము అంటూ నీతి కబుర్లు చెప్తూ ఉంటారు. ఇక ప్రజలు కూడా కుల రాజకీయాలకు బాగానే అలవాటుపడిపోయారు.

రెడ్డి కులస్థుల్లో ఎక్కువ మంది జగన్‌కి మద్దతు పలుకుతున్నారన్నది అందరూ ఒప్పుకోవాల్సిన నిజం. ఇక చంద్రబాబు కమ్మల కోసం.కమ్మల మద్దతుతోనే నాయకుడిగా చెలామణి అవుతున్నాడు. మీడియాలోనూ, సినిమా ఫీల్డ్‌లోనూ, పాలిటిక్స్‌లోనూ, బిజినెస్‌లోనూ ఉన్న కమ్మల్లో చాలా మంది వారి వారి ప్రయోజనాల కోసం బాబును గెలిపించడానికి ప్రయత్నాలు చేస్తూ ఉంటారు.

కొత్తగా రాజకీయాల్లోకి అడుగు పెట్టిన పవన్ కూడా తాజాగా కుల రాజకీయాలు బాగానే ఒంటపట్టించుకున్నాడు. కర్ణాటక ఎన్నికల తర్వాత నుంచీ మొత్తం రాష్ట్రం కంటే తన వర్గం జనాభా ఎక్కువగా ఉన్న ఉత్తరాంధ్రపై ఎక్కువ దృష్టిపెట్టాడు పవన్. అనుకూ ముందు అనంతపురం నుంచి పోటీ చేస్తానన్న పవన్..తాను చేయించుకున్న సొంత సర్వేల్లోనే ఓడిపోయే అవకాశం ఉంది అని తేలడంతో ఇప్పుడు ఉత్తరాంధ్ర నుంచి పోటీ చేస్తాను అంటూ ప్లేట్ ఫిరాయించేసాడు.