సడన్ గా "నిఫా వైరస్" విజృంభించడానికి కారణం ఆ "బావి".! అసలేమైందో తెలుస్తే షాక్.!     2018-05-25   03:16:19  IST  Raghu V

నిఫా వైర‌స్ ప్ర‌స్తుతం ఇండియాను భ‌యాభ్రాంతుల‌కు గురిచేస్తున్న డేంజ‌ర‌స్ వైర‌స్. కేరళలో అంతుచిక్కని వైరస్‌ మూలంగా అకస్మాత్తుగా పది మంది చనిపోవడంతో యావత్‌ భారతదేశం ఒక్కసారిగా ఉలిక్కిపడింది. అయితే మృతుల్లో ముగ్గురి మరణానికి కారణం ‘నిపా వైరస్‌’ అని వైద్యులు ధృవీకరించగలిగారు. ఇప్పటిదాకా వినిపించని, కనిపించని ఈ కొత్త వైరస్‌ ఎక్కడిది? రెండు నుంచి నాలుగు రోజుల్లో కోమాలోకి తోసి చంపేసే ఈ వైరస్‌ను నియంత్రించగలమా?నిజానికి నిపా వైరస్‌ కొత్తదేం కాదు. ఈ వైరస్‌తోనే ముగ్గురు కేరళ వాసులు చనిపోయారని పూణేలోని నేషనల్‌ ఇన్‌స్టిట్యూట్‌ ఆఫ్‌ వైరాలజీ ధృవీకరించడంతో కొన్నేళ్లుగా వినిపించకుండా పోయిన నిపా వైరస్‌ పేరు తిరిగి తెరమీదకొచ్చింది.అరుదైనది, తీవ్రమైనది, ప్రాణాంతకమైనది.

ఈ వైరస్‌ 1998లోనే మలేసియా, సింగపూర్‌లో బయల్పడింది. ఆ సమయంలో 265 మందికి ఈ వైరస్‌ సోకితే, వారిలో ఇన్‌ఫెక్షన్‌ తీవ్రంగా సోకిన 40ు మందిని ఇంటెన్సివ్‌ కేర్‌లో ఉంచి చికిత్స చేసి బతికించారు. అప్పట్లో ఈ వైరస్‌ పందుల్లో కనిపించి, వాటి ద్వారా మనుషులకు వ్యాపించింది. గబ్బిళాలు, పందులు, మనుషులు… వీళ్లలో ఎవరి నుంచి ఎవరికైనా ఈ వైరస్‌ సోకవచ్చు. 2004లో ఈ వైరస్‌ సోకిన గబ్బిళాలు ఎంగిలి చేసిన తాటి గుజ్జు తినడం మూలంగా మనుషులకు సోకింది. మన దేశం, బంగ్లాదేశ్‌లో మనుషుల నుంచి మనుషులకు ఈ వైరస్‌ సోకిన దాఖలాలున్నాయి.ఈ వైరస్‌ గురించి ప్రపంచ ఆరోగ్య సంస్థ కొత్తగా వెలుగులోకొచ్చిన ‘జూనోసిస్‌’ (జంతువు నుంచి మనుషులకు వ్యాపించే వైరస్‌)గా ఇంతకుముందే గుర్తించింది. ‘ఫ్రూట్‌ బ్యాట్స్‌’ అనే ఒక రకం గబ్బిళాలు నిపా వైరస్‌కు వాహకాలుగా పని చేస్తాయని కూడా కనుగొన్నారు