‘విజేత’ను గెలుకుతున్న అల్లు అరవింద్‌?

మెగాస్టార్‌ చిన్న కూతురు శ్రీజ భర్త కళ్యాణ్‌ హీరోగా ఒక చిత్రం తెరకెక్కుతున్న విషయం తెల్సిందే. హీరోగా పరిచయం కావాలనే ఉద్దేశ్యంతోనే చిరంజీవికి కళ్యాణ్‌ అల్లుడు అయ్యాడు అనే టాక్‌ వినిపిస్తుంది. తన అల్లుడి కోరికను సునాయాసంగానే చిరంజీవి తీర్చేశాడు. రాకేష్‌ శశి దర్శకత్వంలో కళ్యాణ్‌ హీరోగా ‘విజేత’ అనే చిత్రం తెరకెక్కుతుంది. చిరంజీవి అల్లుడు అనగానే సినిమాపై అంచనాలు ఆకాశాన్ని తాకేలా వస్తున్నాయి. అయితే ఆ స్థాయిలో సినిమా లేదని, ఇటీవల రషెష్‌ చూసిన కొందరు అభిప్రాయం వ్యక్తం చేశారు. దాంతో అల్లు అరవింద్‌ను చిరంజీవి రంగంలోకి దించినట్లుగా ప్రచారం జరుగుతుంది.

‘విజేత’ రషెష్‌ చూసిన అల్లు అరవింద్‌ కొన్ని ముఖ్య సీన్స్‌కు రీ షూట్‌ ఆదేశించినట్లుగా తెలుస్తోంది. రెండు వారాల పాటు ఆ రీ షూట్‌ కార్యక్రమాలు జరిగాయి. అలాగే ఒక పాట పూర్తిగా రీ షూట్‌ చేయబోతున్నారు. పాట నేపథ్యంకు, అది తీసిన లొకేషన్స్‌కు ఏమాత్రం సెట్‌ కాలేదని, మరోసారి సినిమాలోని ఆ పాటను తీయాలని అల్లు అరవింద్‌ ఆదేశించాడు. దాంతో ప్రస్తుతం ఆ పనిలో దర్శకుడు శశి ఉన్నాడు. అంతా పూర్తి అయ్యి, డబ్బింగ్‌ కూడా మొదలు పెట్టిన సమయంలో ఇలా రీ షూట్‌ల పేరుతో విసిగిస్తున్నారు అంటూ మెగా ఫ్యామిలీపై సన్నిహితుల వద్ద రాకేష్‌ శశి ఆవేదన వ్యక్తం చేసినట్లుగా తెలుస్తోంది.