పింక్ డైమండ్ పింక్ డైమండ్ ఎక్కడకి వెళ్ళావ్ ..?     2018-06-04   01:56:05  IST  Raghu V

తిరుమల తిరుపతి దేవస్థానం లో జరుగుతున్న అక్రమాలపై రాజుకున్న అగ్ని ఇంకా చల్లారలేదు. రమణదీక్షితులు ఆరోపణలకు ఎవరు సరైన సమాధానం చెప్పకుండా ఆయనపై విమర్శల బాణాలు వదిలారు. కానీ కోర్టు పక్షిగా పేరున్న బీజేపీ ఎంపీ సుబ్రమణ్య స్వామి ఈ వివాదంలోకి వచ్చి రమణదీక్షితులకు మద్దతుగా ఉండడమే కాకుండా ఆయన చేసిన ఆరోపణలకు సాక్ష్యాలు సేకరించి సుప్రీం కోర్టు లో పిటిషన్ దాఖలు చేసే పనిలో పడ్డారు. దీంతో ఈ వ్యవహారం కొత్త మలుపులు తిరగబోతోంది.

టీటీడీ మాజీ ప్రధాన అర్చకులు రమణ దీక్షితులు చేసిన ఆరోపణలపై సీబీఐ విచారణ జరిపించడంతో పాటు, రమణ దీక్షితులును అక్రమంగా తొలగించిన అంశాలపై ఆయన పిటిషను దాఖలు చేయనున్నారు. ముఖ్యంగా టీటీడీ లాంటి ధార్మిక సంస్థకు రాష్ట్ర ప్రభుత్వ కబంధ హస్తాల నుంచి విముక్తి కల్పించేలా పిటిషను దాఖలు చేయనున్నారని సమాచారం.