నిత్యామీనన్‌ జీవితంలోనే పెద్ద తప్పు.. ఏడుస్తోంది!    2018-06-06   01:21:01  IST  Raghu V

సినిమా వారు వచ్చిన అవకాశం మిస్‌ అవ్వడం వల్ల దాని పరిణామాలు చాలా దూరం తీసుకు వెళ్తాయి. ఒక సినిమాను పొరపాటున చేస్తే ఆ సినిమా కెరీర్‌ను కూడా నాశనం చేసే అవకాశం ఉంటుంది. సినిమా వారి జీవితాలు చాలా సున్నితం అని ఇందుకే అంటూ ఉంటారు. సినిమాలో ఒకసారి గుర్తింపు వచ్చిన తర్వాత దాన్ని నిలుపుకోవాలి అంటే ఆచి తూచి అడుగులు వేయాలి. ప్రతి విషయాన్ని లోతుగా ఆలోచించి నిర్ణయం తీసుకోవాలి. అలా అని ఏదైనా నిర్ణయాన్ని ఆలస్యం చేసినా కూడా దాని ప్రతిఫలం చేదుగా ఉంటుంది. నిర్ణయం ఆలస్యం చేయడం వల్ల ఏం జరుగుతుందో తాజాగా నిత్యామీనన్‌కు అర్థం అయ్యింది.

ప్రస్తుతం తెలుగులో ఉన్న హీరోయిన్స్‌లలో మంచి నటి అంటే నిత్యామీనన్‌ పేరు ముందు వరుసలో ఉంటుంది. అందుకే సావిత్రి జీవిత చరిత్రను తెరకెక్కించాలనుకున్నప్పుడు నిత్యామీనన్‌ను సంప్రదించారు. సావిత్రి జీవితంతో సినిమా అంటే ఎవరు చూస్తారు, ఆమె పాత్రను నేను చేసేది ఏముంటుందని నిత్యామీనన్‌ భావించింది. దర్శకుడు నాగ్‌ అశ్విన్‌ దాదాపు రెండు నెలల పాటు ఆమెను ఒప్పించేందుకు ప్రయత్నించాడు. కాని ఆమె మాత్రం అంతగా ఆసక్తి చూపించలేదు. సరే చూద్దాం అంటూ దర్శకుడు అశ్విన్‌ను తిప్పించుకుంది. చివరకు ఆమెపై ఆశ వదులుకున్న అశ్విన్‌ పలువురు హీరోయిన్‌లను పరిశీలించి చివరకు కీర్తి సురేష్‌ను ఎంపిక చేయడం జరిగింది.