క్రికెట్ బెట్టింగ్ ఉచ్చులో గుంటూరు ఎమ్మెల్యే..!     2018-06-03   00:57:35  IST  Bhanu C

ఏపీలో బాద్య‌త గ‌ల ప్ర‌జాప్ర‌తినిధులుగా ఉంటూ జూదాల‌ను, క్రికెట్ బెట్టింగుల‌ను స్వ‌యంగా ఎమ్మెల్యేలే ప్రోత్స‌హిస్తుండ‌డం దారుణం. ఈ లిస్టులో రెండు తెలుగు రాష్ట్రాల్లో క‌నీసం కొంత మంది ఎమ్మెల్యేల పేర్లు ప్ర‌ముఖంగా తెర‌మీద‌కు వ‌స్తున్నా… తెర‌వెన‌క మాత్రం 15మందికి త‌గ్గ‌కుండా స్వ‌యంగా బెట్టింగ్ ముఠాల‌కు నాయ‌క‌త్వం వ‌హిస్తున్న‌ట్టు ఆరోప‌ణ‌లు ఉన్నాయి. తెలంగాణ బోధ‌న్ టీఆర్ఎస్ ఎమ్మెల్యే ష‌కీల్ అహ్మ‌ద్ బెట్టింగ్ ముఠాకు నాయ‌క‌త్వం వ‌హిస్తార‌న్న ఆరోప‌ణ‌లు వ‌చ్చాయి.

ఏపీలో నెల్లూరు రూర‌ల్ ఎమ్మెల్యే కోటంరెడ్డి శ్రీథ‌ర్‌రెడ్డి కూడా బెట్టింగ్ ఆరోప‌ణ‌లు ప‌లుసార్లు విచార‌ణ‌లు ఎదుర్కొన్నారు.ఈ విష‌యంలో కోటంరెడ్డి మీద పెద్ద ఎత్తున విమ‌ర్శ‌లు కూడా వ‌చ్చాయి. వైసీపీ వాళ్లు సైతం ఆయ‌న బెట్టింగ్ విష‌యాన్ని ఆఫ్ ద రికార్డుగా అంగీక‌రించారు. ఇక ఇప్పుడు అదే వైసీపీకి చెందిన గుంటూరు జిల్లా ఎమ్మెల్యే సైతం బెట్టింగ్ ఆరోప‌ణ‌ల్లో చిక్కుకున్నారు. గుంటూరు జిల్లా నరసరావుపేట ఎమ్మెల్యే డాక్టర్‌ గోపిరెడ్డి శ్రీనివాసరెడ్డి అండతోనే క్రికెట్‌ బెట్టింగ్‌లు
జరుగుతున్నాయని టీడీపీ నేత‌లు ఆరోపిస్తున్నారు.