ఏయన్నార్‌ మూవీ వద్దే వద్దు.. ఎందుకంటే

తెలుగు సినిమా పరిశ్రమలో ప్రస్తుతం బయోపిక్‌ల జోరు కొనసాగుతుంది. వరుసగా తెలుగు ప్రేక్షకుల ముందుకు బయోపిక్‌లు వస్తున్నాయి. భారీ ఎత్తున ఇటీవలే ‘మహానటి’ చిత్రం విడుదలైంది. సావిత్రి జీవిత చరిత్ర ఆధారంగా తెరకెక్కిన ఆ చిత్రం సంచలన విజయాన్ని సొంతం చేసుకుంది. సావిత్రి జీవిత చరిత్రకు కాస్త డ్రామా యాడ్‌ చేసి, కాస్త ఎంటర్‌టైన్‌మెంట్‌ను జోడివ్వడం వల్ల సినిమాకు మంచి ఆధరణ లభిస్తుంది. మహానటి సినిమా తెలుగు రాష్ట్రాలతో పాటు ఓవర్సీస్‌లో దుమ్ము దుమ్ముగా వసూళ్లు సాధిస్తూ టాప్‌ చిత్రాల జాబితాలో చేరిపోయింది. శ్రీమంతుడు రికార్డును బ్రేక్‌ చేసింది అంటే సినిమా ఏ రేంజ్‌లో దూసుకు పోతుందో అర్థం చేసుకోవచ్చు.

మరో వైపు నందమూరి తారక రామారావు జీవిత చరిత్ర ఆధారంగా ‘ఎన్టీఆర్‌’ అనే చిత్రాన్ని క్రిష్‌ దర్శకత్వంలో బాలకృష్ణ చేయబోతున్నాడు. రెండు మూడు నెలల్లో ‘ఎన్టీఆర్‌’ చిత్రం సెట్స్‌పైకి వెళ్లబోతుంది. రికార్డు స్థాయిలో ఈ చిత్రం సక్సెస్‌ అవుతుందని అప్పుడు విశ్లేషకులు అంచనాలు పెట్టేసుకుంటున్నారు. ఎన్టీఆర్‌ సినిమాను సంక్రాంతికి విడుదల చేయబోతున్నట్లుగా అప్పుడే వార్తలు వచ్చేస్తున్నాయి. ఇక రాజశేఖర్‌ రెడ్డి జీవిత చరిత్ర ఆధారంగా ‘యాత్ర’ అనే చిత్రాన్ని చేస్తున్నారు. ఇలా వరుసగా బయోపిక్‌లు వస్తున్న కారణంగా ఏయన్నార్‌ బయోపిక్‌ను కూడా తీసేందుకు పలువురు సినీ ప్రముఖులు మరియు దర్శకులు ఆసక్తి చూపుతున్నారు.