ఆ విధంగా.. పవన్ సీఎం అవ్వబోతున్నాడట !

ఆలూ లేదు సూలు లేదు కొడుకు పేరు సోమలింగం అన్నట్టుగా ఉంది ఆ పార్టీ అభిమానుల తీరు. ఇప్పటికీ ఇంకా పూర్తి స్థాయిలో రాజకీయ లక్షణాలను అలవర్చుకోకుండా … ఎన్నికలకు సిద్ధం అయిపోతున్న పార్టీ ఏదైనా ఉందా అంటే అది జనసేన అని టక్కున చెప్పేయవచ్చు. ప్రజలకు ఏదో సేవ చేయాలనీ రాజకీయాల్లోకి వచ్చానని చెబుతున్న ఆ పార్టీ అధినేత అందుకు తగ్గ వ్యూహాలు వెయ్యడంలో మాత్రం ఫెయిల్ అయ్యాడు. వాస్తవం గా చెప్పాలంటే జనసేన ఇంకా వన్ మ్యాన్ షోలాగే ఉంది. ఆ పార్టీలో చెప్పుకోదగిన మరో వ్యక్తి కనిపించడంలేదు కూడా. అయినా పవన్ ఫ్యాన్స్ మాత్రం సోషల్ మీడియా వేదికగా మాత్రం తెగ రెచ్చిపోతున్నారు. వారు తెలిసి చేసినా తెలియక చేసినా అది పవన్ కి మాత్రం కీడే చేస్తోంది.

పార్టీ సంస్థాగత నిర్మాణం కాని, కార్యకర్తల శిక్షణ కాని, ఎంపిక కాని ఇంకా జరగలేదు. అభిమానులు ఎక్కువ మంది అత్యుత్సాహంతో పవనిజం అనే ఒక రిలీజియన్ క్రియేట్ చేసి, దాన్ని ఒక మతం గా ప్రచారం చేసి, పవన్ కి దేవుడు స్థాయి కూడా ఇచ్చేసారు. అయితే పవన్ సినిమా అభిమానులు మొత్తం రాజకీయ అభిమానులుగా మారారా అంటే చెప్పలేని పరిస్థితి. పవన్ ఫాన్స్ చేసే కొన్ని కామెంట్స్ పవన్ కి నష్టం చేకూర్చే విధం గా ఉన్నాయి. పవన్ నాకు సిఎం పదవి లక్ష్యం కాదు, ప్రజా సేవ లక్ష్యం అని చెప్తుంటే, పవన్ అభిమానులు మాత్రం సిఎం కావటానికి ప్రణాళికలు సోషల్ మీడియా లో వేసేస్తున్నారు. …